Waar het jy al ooit die woord "rou" gehoor? Miskien

Ons kan ook praat oor rou materiale. Dit is wanneer die materiaal in sy natuurlike vorm is. Dit is nog nie geprosesseer nie. Ons kry rou materiale in die omgewing rondom ons, soos die bome in 'n woud, of steenkool en olie ondergonds. Maar, as hierdie rou materiaal geprosesseer is, beteken dit dat mense dit verander het, dan praat ons van vervaardigde materiaal.

Voorbeelde van rou materiaal is hout en plantvesels. Wanneer die hout en vesels eers geprosesseer is, word dit in papier gemaak. Papier is 'n vervaardigde materiaal.

Rou materiale in ons omgewing word gebruik om ander materiale te maak wat baie bruikbaar is. Kom ons kyk na sommige.

• Diervelle is rou materiaal wat geprosesseer word in leer om skoene, handsakke en gordels te maak.
• Dier wol word gebruik om klere soos truie en serpe te maak.
• Sand is natuurlike rou materiaal. Dit word verhit tot uitermatige hoe temperature en gesmelt om glas te vorm.
• Klei word in vorms gegiet en gebak om keramiek, soos teekoppies, teepotte en vase te maak.
• Steenkool en olie word gebruik om plastiek, verf en lap te maak.
• Hout en plantvesels word gebruik om papier te maak.

Kyk na die prente in die volgende aktiwiteit wat die rou materiaal wys en die vervaardigde materiaal waarvan elkeen gemaak is. Rou en vervaardigde materiale het verskillende eienskappe.

Onq weet dat materiale gebruik word om verskillende voorwerpe te maak. Jy het nou geleer dat sommige materiale rou of natuurlike materiale en ander vervaardigde of mensgemaakte materiale genoem word. Ons kan stowwe groepeer volgens hulle gebruik.Die groepering van stowwe word genoem klassifisering.

Kan jy jou 'n wereld voorstel sonder papier? Daar sal geen boeke, koerante, tydskrifte en selfs 'n vel musiek wees wanneer jy 'n klavier wil speel. Geen papier beteken geen papier kosetikette of papier verpakking nie. Nie eens toiletpapier of kombuis handdoeke nie.

Papier is 'n baie belangrike materiaal in ons lewens vandag. Kom ons vind uit hoe papier gemaak is.

Papier word gemaak van hout en plantvesel van bome wat groei in plantasies reg oor die wereld.

'n Velduitstappie met die Thunderbolt Kids!

Die Thunderbolt Kids het nou van papier in hulle klas geleer. Tom wou meer weet oor hoe papier van plantvesels van bome gemaak word. Dus het die Thunderbolt Kids besluit om 'n papiermeule te gaan besoek om meer te leer van die lewensiklus van papiervervaardiging.

Hulle is elkeen 'n diagram gegee om te help om die papiervervaardigingsproses te verduidelik. Jy het ook 'n afskrif van die diagram ontvang. Die prosesse wat plaasvind by elke stadium is aan die Thunderbolt Kids by die meule verduidelik en Tom het notas daaroor afgeneem. Jy sal sy notas onder elke stadium sien. Maak seker dat jy dit ook lees!

Tom se notas:

1. Plantasie

   • Bome word geplant in goed bestuurde woude. Ons noem dit plantasies.
   • Bome word toegelaat om 'n hele paar jaar te groei voordat hulle afgekap word.
   • Die hoofsoorte bome wat gebruik word om papier te maak is die Eucalyptus (Gom bome) en Dennebome.

2. Oes

   • Wanneer die bome 'n seker hoogte bereik het, word dit afgekap. Dit word "oes" genoem.
   • Die stompe word in kleiner stukke gesny sodat dit vervoer kan word.

3. Vervoer

   • Die stompe word almal op groot trokke gelaai en na die meule vervoer.

4. Pulp meule

   • Die stompe word eers ontbas, bedoelende die bas word afgehaal en dan word dit in kleiner stukkies gekap. Dit word spaanders genoem.
   • Die spaanders word met water en ander chemikalie gemeng om 'n sagte pulp te vorm.
   • Pulp bestaan uit houtvesels en water

5. Papiermeuls

   • Die pulp vloei dan na die papiermeule
   • Die pulp word by die meule gewas en skoon gemaak voordat papier gemaak word.
   • Die pulp word saamgepers en gedroog en dan in velle papier gerol of gesny.

6. Drukkers

   • Die papier word in groot rolle na ander kopers en drukkers vervoer.
   • Die drukkers verwerk die papier in ander produkte soos boeke, tydskrifte en koerante

7. Mense

   • Die klaargemaakte produkte word na die winkels vervoer waar dit deur kopers gekoop kan word.
   • Wanneer mense die papierprodukte klaar gebruik het, soos 'n koerant gelees het, gooi hulle dit weg in 'n asblik of herwin dit.

8. Papier sortering

   • Al die afvalpapier word versamel nadat dit weggegooi is en gesorteer.
   • Sommige papier kan hersirkuleer word, maar ander kan nie, so word dit in twee verskillende groepe geklassifiseer.

9. Herwinning

   • Gebruikte papier kan versamel word en weer gebruik word. Ons noem dit hersirkulering.
   • Die papier wat herwin kan word, word verander in ander produkte.
   • Of dit word verander in herwinde vesel wat weer by die papiermeule gebruik kan word.

10. Stortingsterreine

    • Papier wat nie herwin kan word nie, word na die stortingsterreine geneem waar dit afgelaai word.
    • Stortingsterreine het 'n negatiewe inpak op die omgewing, so dit is die beste om hard te probeer om die hoeveelheid afval wat op die stortingsterreine beland tot die minimum te beperk.

Na die uitstappie was Sophie werklik geinteresseerd in hoe sy 'n herwinningsprojek by hulle skool kan begin om die impak om die omgewing te verminder. Farrah het haar kunssinnige kant gewys toe sy vir haar oorringe gemaak het en herwinde papier gebruik om haar notaboek oor te trek. Jojo was net bly dat hy sy gunsteling sport tydskrif kon lees wat van papier gemaak is en Tom was werklik gelukkig dat hy meer kon leer van die papiervervaardigingsproses.

Ons het genoem dat herwinning deel van die papiervervaardigingsproses is. Herwinning is 'n baie belangrike proses aangesien dit ons toelaat om ons afval te verminder en dinge te hergebruik. Nie alleen papier kan herwin word nie, jy kan ook glas, tin en plastiek herwin.

'n Materiaal word beskryf as hard as jy dit nie kan skraap nie, ook nie sny nie en dit ook nie dit duik nie. Hardheid meet hoe moeilik of maklik is om die vorm van die materiaal te verander, of deur dit in te duik, te sny of te skraap. 'n Diamant is 'n voorbeeld van 'n harde materiaal aangesien 'n diamant nie deur ander voorwerpe gekrap kan word nie. Dit is 'n feit dat 'n diamant so hard is dat dit gebruik word as boorpunte om deur rotse en baie ander materiale geboor te word.

Die teenoorgestelde van hard is sag! Dink oor die nat, rou klei van die vorige hoofstuk. Die klei is sag en kan daarom gevorm word in 'n nuwe vorm.

'n materiaal is Taai as dit moeilik is om te breek. Kevlar word gebruik om koeelvaste baadjies te maak. Hierdie materiaal sal nie koeels laat deurkom nie.

As jy 'n metaal muntstuk met 'n hammer slaan, sal daar geen of baie min skade wees. As jy 'n stuk bordkryt met 'n hammer slaan, sal dit in stukkies breek. Die metaal muntstuk is taai in vergelyking met die bordkryt. Die bordkryt is baie breekbaar.

Taaiheid meet hoeveel energie nodig is om 'n materiaal te breek. We will test some everyday materials to decide which material is the toughest.

Styfheid en buigbaarheid is maniere om te beskryf hoe 'n voorwerp reageer wanneer 'n krag daarop inwerk. 'n stywe materiaal sal die buig was jy 'n krag daarop laat inwerk nie (druk op dit). 'n Buigbare materiaal sal buig. Wanneer bouers materiaal kies vir gebou strukture, benodig hulle soms buigbare materiale en ander kere stywe materiale.

Gevallestudie: Die buigbaarheid van liniale

Die Thunderbolt kids gebruik liniale baie in die klaskamer. Hul onderwyser hou daarvan dat hulle liniale gebruik om reguit lyne te trek sodat hulle werk netjies is. Tom benodig 'n liniaal, aangesien syne gebreek is. Tom het agter gekom dat sy en Farrah se liniale gebreek is, maar Sophie en Jojo sin was nie. Tom het ook agter gekom dat elkeen van hulle liniale het van verskillende materiale, of hout, plastiek of metaal. Tom het gedink dat dit moontlik is dat die tipe materiaal waarvan die liniaal gemaak is, bepaal het of die liniaal sal breek of nie. Tom het sy onderwyser gevra of die materiaal waarvan die liniaal gemaak is, 'n verskil sal maak ten opsigte van die breekbaarheid van die liniaal. Hul onderwyseres het voorgestel dat die hele klas 'n ekspriment doen om die buigbaarheid van verskillende liniale te toets deur 'n Wetenskaplike ondersoek te doen. Wetenskaplike ondersoeke word gebruik om vrae te beantwoord!

Kom ons probeer 'n antwoord op die vraag kry deur 'n Wetenskaplike ondersoek te doen.

Die klas was so opgewonde nadat hulle die ekspriment gedoen het om Tom raad te gee oor watter liniaal hy moet koop, dat hulle voorgestel het dat hulle 'n ekspriment doen om te toets hoe die mees buigbare liniaal reageer wanneer verskillende massas aan die punt daarvan gehang word.

Sommige situasies vereis dat materiale sterk is indien krag daarop uitgeoefen word (moet sterk drukkrag kan weerstaan) en in ander situasies moet materiale sterk genoeg wees in spanning (moet sterk trekkrag kan weerstaan).

Die vertikale (regop) staal pale van die watertoring wat 'n groot gewig moet ondersteun, moet sterk wees in drukkrag om die gewig van die watertenk bo te hou.

Die tou wat die rekspronger ondersteun, moet sterk genoeg in spanning wees om te verseker die die tou nie breek en die springer sy ondervinding oorleef.

Aktiwiteit: Identifiseer materiale wat sterk is in spanning

INSTRUKSIES:

1. In elkeen van die volgende voorstellings, identifiseer die materiaal wat sterk is in spanning (trekkragte).

Voorstelling	Materiaal wat sterk is in spanning
1. 'n Persoon wat 'n plastiese inkopiesak vol kruideniersware dra http://www.flickr.com/photos/yourdon/4364551103/	plastiek
2. 'n Gimnas op 'n balk	hout of metaal
3. 'n kind op 'n swaai http://www.flickr.com/photos/digitizedchaos/4898296156/	staal kabels
4. Die kabelkar is op pad na die bopunt van Tafelberg Mountain	versterkte staal kabel
5. 'n Valskermspringer val met 'n valskerm	sintetiese tou

Wanneer jy moet besluit watter materiaal gebruik moet word, is dit belangrik om die soort materiaal, die grootte van die materiaal, die vorm van die materiaal en die krag wat die materiaal sal ondervind.